उमाकुण्ड गाउँपालिका–७ की ३५ वर्षीया केशरीमाया नेवारलाई सोही वडाका वडाअध्यक्ष ४५ वर्षीय रुद्रमणि नेवारले कुटपिट गरेको आरोपमा भदौ २६ गते जिल्ला प्रहरी कार्यालयमा उजुरी दर्ता भएको छ ।
गाउँमा भदौ २४ गते भएको एक भेलामा वडाध्यक्ष नेवारले केशरीमायालाई कुटपिट गरेको आरोप लगाउँदै वडा अध्यक्षविरुद्ध उजुरी दर्ता भएको हो ।
जिल्ला प्रहरी कार्यालयका इन्स्पेक्टर राजुप्रसाद ढकालले वडाध्यक्षविरुद्ध पीडित महिलाले उजुरी दर्ता गराएको बताउनु भयो ।
वडाध्यक्ष नेवारलाई यस विषयमा छलफलको लागि भदौ २७ गते प्रहरी कार्यालयमा बोलाइएको उहाँले बताउनु भयो ।