१७ वर्षीया बालिकालाई बलात्कार गरेको आरोपमा शिद्ध कुमाख गाउँपालिका–२ बरागाउँ का ६० वर्षीय मङ्गले चलाउनेविरुद्ध जिल्ला प्रहरी कार्यालय सल्यानमा पीडित पक्षले फागुन २३ गते उजुरी दिएको छ ।
पीडित बालिकालाई आरोपितले फागुन १९ गते बलात्कार गरेको भन्दै न्यायका लागि उजुरी गरिएको पीडितका बुबाले बताए ।
पीडित बालिकाको स्वास्थ्य परीक्षण सल्यान अस्पतालमा फागुन २३ गते गरिएको छ ।
घटनापछि ‘फरार’ रहेका आरोपतको खोजी भइरहेको र थप अनुसन्धान अगाडि बढाएको जिल्ला प्रहरी कार्यालय सल्यानका इन्स्पेक्टर अर्जुन पौडेलले जानकारी दिनु भयो ।