१९ वर्षीया युवतीलाई बलात्कार गरेको कसुरमा जिल्ला अदालतले फेदाप गाउँपालिका–२ ओक्याजुङका २५ वर्षीय धनबहादुर दर्जीलाई १२ वर्ष कैद सजायको फैसला गरेको छ ।
न्यायाधीश महेन्द्रप्रसाद पोखरेलको माघ २४ गतेको इजालसले कसुर ठहर गर्दै १२ वर्ष कैद सजायसँगै ४ लाख रुपियाँ जरिबानाको फैसला गरेको अदालका श्रेस्तेदार पारसमणि पोखरेलले इन्सेक प्रतिनिधिसँगको फोन सम्पर्कमा बताउनुभयो ।
पीडित युवतीलाई आरोपितले ०७८ मङ्सिर २ गते बलात्कार गरेको आरोपमा पीडित पक्षले आरोपितविरूद्ध सोही दिन जिल्ला प्रहरी कार्यालयमा उजुरी दिएको थियो ।
पीडित पक्षको उजुरीका आधारमा प्रहरीले आरोपितलाई मङ्सिर २ गते गिरफ्तार गरी जिल्ला अदालतमा मङ्सिर २७ गते बलात्कार शीर्षकमा मुद्दा गरेको थियो ।
जिल्ला अदालतको ०७८ पुस ९ गतेको आदेशमा आरोपित पुर्पक्षका लागि थुनामा थिए ।
पीडितको स्वास्थ्य परीक्षण जिल्ला अस्पतालमा मङ्सिर २ गते गरिएको थियो ।