४२ वर्षीया सुस्त मनस्थिति भएकी एक महिलालाई बलात्कार प्रयास गरेको कसुर ठहर गर्दै मिर्चैया नपा–१ का २३ वर्षीय दरबीलाल ठाकुर र सोही ठाउँका २४ वर्षीय श्याम कापरलाई जिल्ला अदालतले साउन ३२ गते जनही चार वर्ष कैद सजायको फैसला गरेको छ ।
जिल्ला अदालतका न्यायाधीश मनोजकुमार श्रीवास्तवको इजलासले यस्तो फैसला गरेको हो । फैसलामा पीडित महिलालाई २५ हजार रुपियाँ क्षतिपुर्ति भराउने फैसला गरिएको छ ।
पीडित महिलालाई आरोपितद्वयले ०७६ कात्तिक ३० गते बलात्कार प्रयास गरेको भन्दै पीडित पक्षले इलाका प्रहरी कार्यलय मिर्चैयामा मङ्सिर २ गते उजुरी दिएको थियो । पीडित महिलाको स्वास्थ्य परीक्षण जिल्ला अस्पताल सिरहामा मङ्सिर २ गते गरिएको थियो ।
इलाका प्रहरी कार्यलय मिर्चैयाले आरोपितहरूलाई मङ्सिर २ गते घरबाटै गिरफ्तार गरेकोमा जिल्ला अदालतको आदेशले मङ्सिर ३० गतेदेखि पुर्पक्षका लागि थुनामा थिए ।