१९ वर्षीया युवतीलाई लहान नपा–२१ का २५ वर्षीय कमलेश साहले बलात्कार प्रयास गरेको भन्दै पीडित पक्षले दिएको उजुरी इलाका प्रहरी कार्यालय लहानले चैत २१ गते दर्ता गरेको छ ।
पीडित युवतीलाई आरोपितले चैत १६ गते बलात्कार प्रयास गरेको र गाउँमै घटना मिलाउन खोज्दा घटना नमिलेपछि इलाका प्रहरी कार्यालय लहानमा चैत २० गते उजुरी दिएको पीडित युवतीकी आमाले बताइन् ।
पीडित युवतीको स्वास्थ्य परीक्षण रामकुमार उमाप्रसाद अस्पताल लहानमा चैत २० गते गरिएको छ । इलाका प्रहरी कार्यालय लहानका डिएसपी डाक्टर तपनकुमार दाहालले आरोपित फरार रहेकोले खोजतलास जारी राखिएको बताउनु भएको छ ।