महादेवा गाउँपालिका–४ की २४ वर्षीया पुनिता देवी यादवलाई कटपिट गरी गर्भपतन गराएको आरोपमा प्रहरीले सोही ठाउँका ५८ वर्षीय लक्ष्मण राउत बरै, २७ वर्षीय श्याम राउत वरै र ६५ वर्षीय रामजी साहलाई फागुन १४ गते गिरफ्तार गरेको छ ।
आरोपितमध्ये सोही ठाउँका ४० वर्षीय सुरेन्द्र साह फरार रहेकोले खोजतलास भइरहेको सप्तरी प्रहरीले जनाएको छ ।
फागुन ६ गते दिउँसो आफ्नो खेतमा बालीनाली हेर्न गएका बेला आरोपितहरूले गहुँबारीमा घाँस काट्ने बहानामा आफ्नो खेतको गँहु काटिरहेको देखी निजहरुलाई रोक्न खोज्दा कुटपिट गरी घाइते बनाएको र सोही क्रममा पेटमा रहेको १६ हप्ताको गर्भ खेर गएको भन्दै पीडितले इलाका प्रहरी कार्यालय कञ्चनरुप, सप्तरीमा फागुन ९ गते उजुरी दिनुभएको थियो ।