पोखरा मनपा–१६ बाटुलेचौरमा रहेको क्रियापुत्री घरमा दलित समुदायलाई रोक लगाइएको भन्दै पीडित मोहन सुनारले वैशाख १९ गते प्रहरीमा उजुरी दिएका छन् ।
पीडितले आरोपितहरु देव बहादुर थापा, जनक थापा, भरत बहादुर थापा, राम विसी विरुद्ध वैशाख १८ गते जिल्ला प्रहरी कार्यलय कास्कीमा जातिय भेदभाव तथा छुवाछूत कसुर सजाय (ऐन २०६८ ) अन्तरगत जाहेरी दिएका थिए ।
अरोपितले दलित समुदायलाई काजकिरिया बस्न दिन मिल्दैन भनी ४९ वर्षीय दाजु सम्मर बहादुर सुनारको काजक्रिया गरिरहेका पीडित मोहन सुनारलाई घरमै पुगेर छुवाछूत जन्य जातिय अपमान, गाली र धाकाधम्की दिदै सामुदायिक क्रियापुत्री घरमा निषेध गरेको पीडितले बताएका छन् ।
जिल्ला प्रहरी कार्यालय कास्कीले वैशाख २३ गते सम्म कसैलाई पनि गिरफ्तार गरेको छैन । घटनाको अनुसन्धानमा ढिलाइ भएको भन्दै पीडित पक्षले जिल्ला प्रहरी कार्यालय कास्कीमा वैशाख २३ गते धर्ना दिन पुगेका थिए ।
जिल्ला प्रहरी कार्यलय कास्कीका एसपी दान बहादुर कार्कीका अनुसार घटनाका बारेमा अनुसन्धान भइरहेको छ ।