१२ वर्षीया बालिकालाई बलात्कार गरेको कसुर ठहर गर्दै जिल्ला अदालतले माथागढी गाउँपालिका–३ कसेनीका २५ वर्षीया रोसन कुमाललाई फागुन २८ गते १५ वर्ष कैदको फैसला गरेको छ ।
जिल्ला न्यायाधीश खड्कबहादुर केसीको इजलासले १५ वर्ष कैदसँगै ५० हजार रूपियाँ क्षतिपुर्तिको फैसला सुनाएको अदालतका खरिदार कृष्णमुरारी सिग्देलले बताउनु भयो ।
आरोपितले ०७५ चैत १२ गते बलात्कार गरेको भन्दै पीडित पक्षले चैत १३ गते जिल्ला प्रहरी कार्यालयमा उजुरी दिनु भएको थिया । प्रहरीले आरोपितलाई चैत १३ गते गिरफ्तार गरेको थियो ।
पीडितको स्वास्थ्य परीक्षण चैत १३ गते जिल्ला अस्पताल गरिएको थियो ।