नेत्रविक्रम चन्द (विप्लव) नेतृत्वको प्रतिबन्धित नेकपा निकट अखिल क्रान्तिकारीका तीन जना कार्यकर्तालाई जिल्ला प्रहरी कार्यालय, कञ्चनपुरले भीमदत्त नगरपालिका– १८ कटानबाट फागुन १ गते गिरफ्तार गरेको छ ।
गिरफ्तार हुनेमा प्रतिबन्धित नेकपा निकट अखिल क्रान्तिकारीका भेरी कर्णाली क्षेत्रीय समन्वय समिति संयोजक भिमदत्त नपा – १८ का २३ वर्षीय वीरेन्द्र लुहार, जिल्ला सदस्य २८ वर्षीय भरत लुहार र २२ वर्षीय अर्जुन लुहार रहेका छन् ।
जिल्ला प्रहरी कार्यालय,कञ्चनपुरका डिएसपी रवीन्द्र पौडेलले सार्वजनिक शान्ति विरूद्धका क्रियाकलापमा सहभागी भएको भन्ने सुचनाका आधारमा तीनै जनालाई गिरफ्तार गरी जिल्ला प्रहरी कार्यालयको हिरासतमा रखेर अनुसन्धान भइरहको बताउनु भयो ।