४२ वर्षीया महिलालाई बलात्कार प्रयास गरेको आरोपमा गोलबजार नपा–१ का ६३ वर्षीय दिनेश यादवविरूद्ध पीडित पक्षले इलाका प्रहरी कार्यालय गोलबजारमा मङ्सिर १७ गते उजुरी दिएको छ ।
पीडित पक्षका अनुसार केही सुस्त मनस्थिति भएकी पीडित महिलालाई आरोपितले मङ्सिर १३ गते बलात्कार प्रयास गरेकोले कारवाहीको लागि उजुरी दिइएको हो ।
पीडित महिलाको स्वास्थ्य परीक्षण जिल्ला अस्पताल सिरहामा मङ्सिर १७ गते गरिएको छ । इलाका प्रहरी कार्यालय गोलबजारका इन्स्पेक्टर जनक पुरीले आरोपित फरार रहेकाले खोजतलास भइरहेको बताउनु भयो ।