पोखरा मनपा–२१ का वडाध्यक्ष ५२ वर्षीय खगराज आचार्यमाथि पोखरा मनपा–२१ बस्ने ३५ वर्षीय प्रकाश पौडेलले कात्तिक २५ गते दुर्व्यवहार गरेको पीडितले आरोप लगाएका छन् । वडाध्यक्ष आचार्य र आरोपित पौडेल दुवैजना नेकपाका कार्यकर्ता हुन् ।
बाटोमा हिडिँरहेका बेला आफूलाई आरोपित पौडेलले मोटरसाइकलले ठक्कर दिँदै अपशब्द प्रयोग गरी दुर्व्यवहार गरेको वडाध्यक्ष आचार्यको आरोप छ ।
आफूलाई आरोपित पौडेलले यसअघि पनि पटकपटक मार्ने धम्की दिने गरेको आचार्यले बताए । आन्तरिक छलफल गर्ने भन्ने पार्टीको निर्देशनका कारण प्रहरीमा उजुरी नदिएको पीडितको भनाई छ ।