१३ वर्षीया बालिकालाई बलात्कार गरेको आरोपमा प्रहरीले माप्यदुधकोशी गाउँपालिका– ५ स्थायी घर भई सोलुदुधकुण्ड नगरपालिका– ७ नाजिङमा डेरा गरी बस्दै आएका ३७ वर्षीय ग्याल्जेन शेर्पालाई ०८३ असार १५ गते गिरफ्तार गरेको छ ।
आरोपितले बालिकालाई असार १२ गते बलात्कार गरेको आरोपमा पीडित पक्षले असार १४ गते जिल्ला प्रहरी कार्यालयमा उजुरी दिएको थियो ।
पीडित पक्षको उजुरीका आधारमा आरोपितलाई अनुसन्धानका लागि अस्थायी प्रहरी चौकी दोर्पुबाट खटिएको प्रहरीले गिरफ्तार गरेको हो ।
पीडित बालिकाको स्वास्थ्य परीक्षण असार १४ गते जिल्ला अस्पतालमा गरिएको छ ।