३२ वर्षीया पीडित महिलाको आर्थिक अवस्था कमजोर भई कानुनी प्रक्रियामा जानका लागि अनौपचारिक क्षेत्र सेवा केन्द्र (इन्सेक) मधेश प्रदेश कार्यालयले ०८२ पुस १२ गते १० हजार रुपियाँ सहयोग प्रदान गरेको छ ।
पीडितको आर्थिक अवस्था कमजोर रहेको कारण न्यायिक प्रक्रियामा सहयोग पुग्ने उद्देश्यले सो रकम उपलब्ध गराइएको इन्सेक मधेस प्रदेशका संयोजक राजु पासवानले बताउनु भयो ।
पीडितले न्यायिक प्रक्रियामा सहयोग गरिदिनु हुन भनी ०८२ पुस ६ गते इन्सेक प्रतिनिधि बुधन साहलाई निवेदन दिनु भयो ।
महिलालाई ०८२ वैशाख १६ गते बलात्कार गरेको आरोपमा हरिपुर नगरपालिका–६ का २७ वर्षीय विनोद कुमार चौधरीविरुद्ध पीडित पक्षले ०८२ जेठ ८ गते जिल्ला प्रहरी कार्यालय मलंगवामा उजुरी दिएको डिएसपी सरोज राईले बताउनु भयो ।
आरोपित चौधरी हालसम्म फरार रहेकोले खोजतलास भइरहेको प्रहरीले जानकारी दिएको छ ।
पीडित महिलाको स्वास्थ्य परीक्षण ०८२ जेठ ९ गते सर्लाही जिल्ला अस्पतालमा भयो ।