५२ वर्षीया महिलालाई बलात्कार गरेको कसुरमा घोराही उमनपा–१६ का ५५ वर्षीय प्रेमबहादुर विश्वकर्मालाई जिल्ला अदालतले पाँच वर्ष कैद गर्ने फैसला गरेको छ ।
न्यायाधीश हेमन्त रावलको इजलासले माघ ६ गते विश्वकर्मालाई दोषी ठहर गर्दै पाँच वर्ष कैद र पीडितलाई पाँच हजार रुपियाँ महिला बालबालिका कार्यालयबाट उपलव्ध गराउने फैसला गरेको हो ।
पीडित महिलालाई विश्वकर्माले गत साउन १६ गते झारफुक गरिदिने भन्दै बलात्कार गरेपछि प्रहरीले साउन १७ गते गिरफ्तार गरी मुद्दा चलाएको थियो । पीडितको स्वास्थ्य परीक्षण साउन १७ गते राप्ती उपक्षेत्रीय अस्पतालमा गरिएको थियो ।