१५ वर्षीया बालिकालाई बलात्कार गरेको कसुर ठहर गर्दै जिल्ला अदालतले मङ्सिर २७ गते तुलसीपुर उपमनपा–९ का २६ वर्षीय राजेश परियारलाई आठ वर्ष कैदको फैसला गरेको छ ।
न्यायाधीश हेमन्त रावलको इजलासले मङ्सिर २७ गते परियारलाई दोषी ठहर गर्दै आठ वर्ष कैद र पीडितलाई ४० हजार रुपियाँ क्षतिपूर्ति उपलब्ध गराउन महिला बालबालिका कार्यालयलाई आदेश दिएको हो ।
पीडित बालिकालाई परियारले ०७४ फागुन २७ गते तुलसीपुरस्थित एक होटेलमा लगेर बलात्कार गरी भारततर्फ लैजाने क्रममा फागुन २९ गते गिरफ्तार गरेको थियो ।
पीडित बालिकाको स्वास्थ्य परीक्षण फागुन ३० गते राप्ती उपक्षेत्रीय अस्पताल घोराहीमा भएको थियो ।