४३ वर्षीया महिलालाई बलात्कार गरेको आरोपमा प्रहरीले मादी गाउँपालिका–५ मिजुरे घर भई हाल पोखरा मनपा–३० ढुङ्गेपाटन बस्ने ४३ वर्षीय मिनुराज घिमिरेलाई कात्तिक १९ गते गिरफ्तार गरेको छ ।
पीडित महिलालाई आरोपितले कात्तिक १७ गते बलात्कार गरेको भन्दै पीडितले कात्तिक १९ गते प्रहरीमा उजुरी दिएकी थिइन् ।
पीडित महिलाको उजुरीका आधारमा आरोपित घिमिरेलाई गिरफ्तार गरी अनुसन्धान गरिरहेको जिल्ला प्रहरी कार्यालय, कास्कीका डिएसपी रबिन्द्रमान गुरूङले जानकारी दिए ।
पीडित महिलाको स्वास्थ्य परीक्षण कात्तिक १९ गते पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पतालमा गरिएको प्रहरीले जनाएको छ ।