हनुमाननगर कङ्कालिनी नपा–११ की ४० वर्षीया शान्तिदेवी मण्डललाई कथित बोक्सी भन्दै अमानवीय व्यवहार गरेको आरोपमा प्रहरीले सोही ठाउँका २८ वर्षीय प्रमोद पण्डितलाई असोज १७ गते गिरफ्तार गरेको छ ।
कथित बोक्सी भन्दै भदौ १३ गते अमानवीय व्यवहार गरेको आरोपमा गिरफ्तार आरोपितविरूद्ध जिल्ला प्रहरी कार्यालयले असोज १७ गते नै उजुरी दर्ता गरेको छ ।
आरोपित पण्डितसहित उनका बुवा ५० वर्षीय विष्णुदेव पण्डितले आफूलाई भदौ १३ गते कथित बोक्सीको झुठा आरोप लगाई अमानवीय व्यवहार गरेको पीडितले बताइन् ।
विष्णुदेव हालसम्म गिरफ्तार भएका छैनन् । गिरफ्तारीमा परेका आरोपितले झुठा उजुरी दर्ता गरिएको बताए ।