इन्सेक गतिविधिहरू

वातावरणको सवालमा स्थानीय सरोकारवालासँग सचेतना तथा अन्तरक्रिया कार्यक्रम सम्पन्न गरिएको छ ।

रतुवामाई मानवअधिकार समूह मोरङको आयोजनामा मोरङको इटहरामा भदौ २७ गते अन्तरक्रिया कार्यक्रम सम्पन्न गरिएको हो ।

कार्यक्रममा रतुवामाई नगरपालिकाका मेयर नागेश्वरप्रसाद सिंह गनगाईले इन्सेकले रतुवामाई नगरपालिकामा वातावरणको सवालमा आयोजना गरेको अन्तरक्रिया कार्यक्रले वातावरणका सवालमा नगरपालिकालाई योजना बनाउन र कार्यान्वयनका लागि सहज भएको बताउनु भयो । उहाँले वातवारण संरक्षणका लागि नागरपालिकाले विभिन्न कार्यक्रमहरू सञ्चालनको तयारी गरिरहेको अवस्थामा इन्सेकद्धारा गठित मानव अधिकार समूहले सोही विषयमा सचेतना तथा अन्तरक्रिया कार्यक्रम आयोजना गरी बाटो देखाइदिएको बताउनु भयो ।

मेयरले आमवारी बजारलाई व्यूटिफिकेशन गर्ने तयारी भइरहेको र चालु आर्थिक वर्षका लागि २५ लाख रुपियाँ बजेट पनि विनियोजन गरिएको अवस्थामा वातावरणमैत्री ढङ्गले व्यूटिफिकेशनको कार्य गर्ने बताउनु भयो । मेयर सिंहले वातावरणका विषयमा बालबालिकालाई सचेत गराउन आवश्यक रहेको बताउनु भयो ।

कार्यक्रममा इन्सेक प्रदेश कार्यालय विराटनगरका मनोहर पोखरेलले वातावरण संरक्षणमा बालबालिकाको भूमिका महत्वपूर्ण हुने धारणा राख्नुभयो । कार्यक्रमको सहजीकरण वन अधिकृत नरेन्द्रप्रसाद गुरागाईले गर्नु भएको थियो ।

कार्यक्रममा इटहरा क्षेत्रका विभिन्न विद्यालयका शिक्षक, विद्यार्थी, जनप्रतिनिधिहरू र स्थानीय सरोकारवालाहरूको सहभागिता रहेको इन्सेक रतुवामाई नगरपालिका सहजकर्ता रञ्जना अधिकारीले बताउनु भएको छ ।

विनोद सुवेदी