स्थानीय तहमा वातावरणको अधिकारसम्बन्धी कार्यशाला सम्पन्न

  ०८० मङ्सिर २३ गते

मादी गाउँपालिकामा अनौपचारिक क्षेत्र सेवा केन्द्र (इन्सेक) गण्डकी प्रदेशद्वारा गठित मानवअधिकार समूहको आयोजनामा स्थानीय तहमा वातावरणको अधिकारसम्बन्धी कार्यशाला ०८० मङ्सिर २२ गते सम्पन्न भएको छ ।

कार्यक्रममा मादी गाउँपालिका– ४ का शिव प्रसाद सापकोटाले वातावरण सम्बन्धी हक नेपालको संविधानल मौलिक हकका रुपमा व्यवस्था गरेको र स्वच्छ वातावरणमा बाच्न पाउने नागरिकको अधिकार भएको भन्दै आफ्नो क्षेत्रमा सबै नागरिकलाई उक्त अधिकार प्रदान गर्न आफूले प्रयास गरिरहेको बताउनुभयो ।

समूहका सह–सचिव ऋषिराम सापकोटाले स्थानीय तहका हरेक योजनामा मानव अधिकार समूहको उपस्थिति आवश्यक रहेको बताउनुभयो ।

कार्यक्रममा प्रशिक्षक राजेन्द्र प्रसाद शर्माले वन के हो ? वातावरण सम्बन्धी नागरिकको अधिकार र कर्तव्य के हो? स्थानीय तहमा वातावरण सम्बन्धी के कस्ता अधिकारहरु रहेका छन् ? र फोहोरमैला व्यवस्थापन र वृक्षारोपणका बारेमा सहभागीहरुलाई प्रशिक्षण दिनुभएको थियो ।

कार्यक्रम समूहका सह–सचिव ऋषिराम सापकोटा, सदस्य गिता सापकोटा, सामुदायिक वन समितिका पदाधिकारीहरु,बाल अधिकार समूहका पदाधिकारीहरुको उपस्थिति रहेको थियो ।

385550581_1785392215238861_4232067913302204072_n

385548284_385516280574659_1268044794650959286_n

सन्जय रानाभाट