इन्सेक गतिविधिहरू

कार्यक्रम प्रभावकारी भएपनि जनताका विचमा प्रचारप्रसार कमि हुँदा कार्यक्रम ओझेलमा परेको अनौपचारिक क्षेत्र सेवा केन्द्र (इन्सेक)ले असार ३० गते आयोजना गरेको कार्यक्रममा सहभागिहरूले बताएकाछन् ।

साविकका कार्यक्रम सञ्चालन भएका २ वटा गाबिस रौता र भलायडाँडाँलाई लक्षित गरी हालको रौतामाई गाउँपालिका वडानं ७ मुर्कुचीमा आयोजना गरिएको सेवाप्रदायक र सेवाग्राही विच शिक्षा, स्वास्थ्य र खाद्य अधिकार विषयक अन्तरक्रिया कार्यक्रममा सहभागिहरूले कार्यक्रमको बारेमा पर्याप्त जानकारी नहुँदा जति प्रभावकारि हुनु पर्ने हो त्यो हुन नसकेको बताए ।

माध्यमिक बिद्यालय रौतारानीबासका प्रधानाध्यापक शेरबहादुर आलेले बालबालिकाको चौतार्फी विकासका लागि कार्यक्रम धेरै प्रभावकारी भएको बताए । उनले कार्यक्रम प्रभावकारी भएपनि निगरानी समुह सुस्त हुँदा जनताका विचमा प्रचारप्रसारमा कमि आएको बताए ।

मावि भलायडाँडाँका शिक्षक सुर्य पोखरेलले कार्यक्रम राम्रो भएपनि वजेट अभावकाकारण केहि समस्या देखापरेको बताए । उनले बिद्यालयका बालबालिकालाई दिने रकम न्युन हुँदा सोचेअनुरुप काम गर्न नसकेको बताए । त्यस्तै मावि हाडेबास शिक्षक चित्रबहादुर खत्रीले कार्यक्रम सञ्चालन भएपछि बालबालिकाको शैक्षिक तथा वाहिय क्षमतामा बृद्धी भएको बताए ।

साविकको भलायडाँडाँ गाबिसका निगरानी समूहका अध्यक्ष पृथ्वीबहादुर कटुवालले जनप्रतिनिधिको अभावमा सञ्चालन भएको कार्यक्रमले धेरै राहत पुगेको बताए । त्यस्तै रौताका निगरानी समूहका उपाध्यक्ष लोकमान तामाङले निगरानी समूहमा रहेका साथीहरू कृयाशिल नहुँदा कार्यक्रम समस्यामा परेको बताए ।

उदयपुर उद्योग बाणिज्य संघ मुर्कुचीका अध्यक्ष राजेन्द्रप्रसाद साहले भौगोलिक विकटताका कारण केहि असहज भएको बताए । सहभागिबाट आएको सुझाब तथा गुनासोको बिषयमा इन्सेक क्षेत्रीय कार्यालय बिराटनगरका प्रमुख सोमराज थापाले सबैलाई समेटेर कार्यक्रमको लक्ष्यलाई अगाडि बढाईने सुझाब दिए ।

उनले बिधीको शासनलाई कायम गर्न सेवाप्रदायक निकायलाई जिम्वेवार बनाउनु नै कार्यक्रमको उदेश्य रहेको बताए । उनले अहिले पनि शिक्षा, स्वास्थ्य र खाद्य अधिकारका सवालहरू पछि परिरहेकाले यीनीहरूलाई अगाडी लैजान सबैको साथसहयोग आबश्यक रहेको औल्याए ।

भरत खड्का