इन्सेक गतिविधिहरू

अनौपचारिक क्षेत्र सेवा केन्द्र (इन्सेक)को आयोजनामा मेलम्ची नगरपालिका–१० सञ्जेलटारमा भदौ २९ गते भूकम्प पीडितको अवस्थाका विषयमा सार्वजनिक सुनुवाइ गरिएको छ ।

कार्यक्रममा नेपाल रेडक्रस सोसाइटी जिल्ला शाखाका सभापति राजेन्द्रमान ताल्चाभडेलले माझी बस्तीमा भूकम्पपछि विभिन्न राहतका कार्यक्रमहरू सञ्चालन गर्दै आएको र पुनःनिर्माणमा पनि सहयोग पुर्‍याउने बताए ।

कार्यक्रममा भूकम्प पीडित राजन माझीले राज्यले उपलब्ध गराउने भनिएको ३ लाख रुपियाँ हालसम्म प्राप्त हुन नसकेको र रकम प्राप्त नभएको कारणले पुनर्निर्माणको काम सुरू गर्न नसकेको बताए ।

मेलम्ची नगरपालिका–१० का वडाध्यक्ष भक्तबहादुर खड्काले सञ्जेलटारका २४ घर परिवारका माझीका ‘जग्गा समस्या’को कारणले राहत सिफारिस गर्न कठिनाइ परेको र पछिल्लो समयमा भने जग्गाको विवाद समाधान भएको हुँदा राहत सिफारिस सुरू भएको बताए ।

नातिबाबु धिताल