इन्सेक गतिविधिहरू

संयुक्त राष्ट्रसङ्घीय मानव अधिकार संयन्त्रसम्बन्धी एक दिने कार्यशाला पोखरामा पुस १३ गते सम्पन्न भएको छ ।

राष्ट्रिय मानव अधिकार आयोग कास्कीकी निमित्त निर्देशक नितु गर्तौलाले संयुक्त राष्ट्रसङ्घीय मानव अधिकार संयन्त्रमा राष्ट्रिय मानव अधिकार आयोगहरूको संलग्नता विषयमा कार्यपत्र प्रस्तुत गरेकी थिइन् ।

त्यसैगरी इन्सेक केन्द्रिय कार्यालय बहस पैरवी कार्यक्रम प्रमुख सम्झा श्रेष्ठले संयुक्त राष्ट्रसङ्घीय मानव अधिकार संयन्त्र, नौ ठुला महासन्धि र विश्वब्यापी आवधिक समीक्षा विषयमा कार्यपत्र प्रस्तुत गरेकि थिइन् ।

कार्यक्रमका सहभागीले सार्वजानिक चासोको विषयवस्तु प्रस्तुत भएकोमा खुसी व्यक्त गरे । कार्यक्रममा बोल्दै गैर सरकारी संस्था महासङ्घका अध्यक्ष पदमराज पहारीले यो कार्यक्रम  मानवअधिकारको क्षेत्रमा काम गर्ने सबैलाई अत्यावश्यक रहेको बताउँदै यो कार्यक्रमले गैरसरकारी संस्थाहरूको क्षामता अभिवृद्धि गर्न महत्वपूर्ण सहयोग गरेको बताए ।

सङ्गीता भाट