इन्सेक गतिविधिहरू

शिक्षा, स्वास्थ्य र खाद्य अधिकारको सवालमा सेवा प्रदायक निकायलाई थप जिम्मेवार बनाउने उद्देश्यले इन्सेक सिन्धुपाल्चोकद्वारा चैत २९ गते सेवाप्रदायक र सेवाग्राहीबिच जिल्लास्तरीय अन्तरक्रिया कार्यक्रम चौतारामा सम्पन्न गरिएको छ ।

कार्यक्रममा साहायक जिल्ला शिक्षा अधिकारी कृष्णप्रसाद सुवेदीले विद्यालय भन्दा बाहिर रहेका बालबालिकालाई विद्यालयमा भर्ना गराउन मानव अधिकार निगरानी समूहले महत्वपूर्ण भूमिका निर्वाह गर्न सक्ने बताए ।

जिल्ला स्वास्थ्य कार्यालयका प्रमुख रबिकान्त मिश्रले निःशुल्क वितरण गरिने औषधिको सूची तत्काल सबै स्वास्थ्य संस्थामा टाँस गर्न पहल गर्ने प्रतिबद्धता जनाए ।

त्यसैगरी कृषि विकास कार्यालयका बागवानी अधिकृत अच्युतराज मैनालीले बाली विरुवामा विषादी प्रयोग गर्नु भन्दा कम्पोष्ट मल प्रयोग गराउन जोड दिनुपर्ने बताए । जिल्ला पशुसेवा कार्यायका प्रमुख डा. कल्याणकुमार श्रेष्ठले बजार अनुगमनमा जोड दिनु पर्ने बताए ।

नातिबावु धिताल