इन्सेक गतिविधिहरू

अनौपचारिक क्षेत्र सेवा केन्द्र (इन्सेक) द्वारा श्री जनता माध्यमिक विद्यालय नक्टाझिजमा गठित बाल अधिकार सचेतना समूहका बालबालिकाहरूले ०८० कात्तिक २२ गते मिथिला नगरपलिका–१ लक्ष्मीनिवास चौकमा सडक नाटक प्रदर्शन गरेका छन् ।

बाल अधिकार सचेतना समूहले शिक्षा र स्वास्थ्य क्षेत्रमा देखिएका असमानता तथा विभेद र महिला हिंसा तथा महिलाविरुद्ध हुने सबै किसिमका भेदभाव विरुद्ध जनचेतनामूलक सडक नाटक प्रदर्शन गरेका हुन । साथै ती असमान व्यवहार तथा विभेदले मानाव जीवनमा पर्ने असरलाई समेत बालबालिकाहरूले नाटकको माध्यमद्वारा त्यहाँ उपस्थित स्थानीय दर्शक तथा समुदाय समक्ष प्रस्तुत गर्दै बौद्धिक वर्ग, समाजसेवी, शिक्षक तथा सरोकारवाला निकायहरूलाई ध्यानाकर्षण गराएका थिए ।

उक्त कार्यक्रममा इन्सेक केन्द्रीय कार्यलयबाट इन्सेक अनलाइनका प्रधान सम्पादक मदन पौडेल, मधेस प्रदेश कार्यलयका सहायक अधिकृत बरुण बस्याल र सप्तरी जिल्ला सहजकर्ता अजय परियार लगायतको उपस्थिति रहेको थियोे ।

प्रधान सम्पादक मदन पौडेलले सडक नाटक अलि छोटो समयको हुनुपर्छ भन्ने सुझाव दिनुको साथै प्रस्तुत सडक नाटकको प्रशंसा र सहभागी बालबालिका तथा समूहलाई धन्यवादसमेत दिनु भयो ।

सडक नाटक प्रदर्शनमा ललित महतो, धर्मेन्द्र कुमार महतो, उज्जल कुमार महत्तो, करण कुमार सिंह, रूप नारायण महत्तो, प्रिन्स कुमार साह, अभिषेक कुमार महत्तो, सुजिता कुमारी महत्तो, कामना कुमारी महत्तो, लगायतको सहभागी थियो ।

सन्तोषकुमार यादव