इन्सेक गतिविधिहरू

अनौपचारिक क्षेत्र सेवा केन्द (इन्सेक) क्षेत्रीय कार्यालय धनगढीका संयोजक खडकराज जेशीले शिक्षा क्षेत्रको विकासका लागि सबै पक्ष जिम्मेवार हुनुपर्नेमा जोड दिएका छन् ।

वैशाख २१ गते आयोजिक शिक्षा क्षेत्रमा देखिएको समस्या तथा समाधान विषयक अन्तरक्रिया कार्यक्रम उनले सो कुरा बताएका छन् ।

शिक्षा क्षेत्रमा देखिएका समस्या समाधानका लागि अभिभावक, विद्यालय व्यवस्थापन समिति, विद्यार्थी र शिक्षक सबैको महत्वपूर्ण भूमिका हुने भएकाले सबैले आ-आफ्नो दायित्व पुरा गरे गुणस्तरीय शिक्षा प्रदान गर्न सकिने ठेकराज माविको व्यवस्थापन समितिका अध्यक्ष रघुनाथ रानाले बताए ।

सरकारी विद्यालयमा निजी विद्यालयमाभन्दा दक्ष जनशक्तिका साथै विद्यालय पुर्वाधार पनि राम्रो रहेकोले सबै पक्षले सक्रिय सहभागिताका साथ लागेमा शिक्षा क्षेत्रमा कुनै समस्या नआउने इन्सेक क्षेत्रीय कार्यालय, धनगढीका संयोजक खडकराज जोशीले बताए । साथै शैक्षिक गुणस्तरमा सहयोग पुर्‍याउने उद्धेश्यले इन्सेकद्वारा ३० हजार रुपियाँ बराबरको चेक ठेकाराज माविलाई हस्तान्तरण गरेको बताए ।

बालबालिकाको शैक्षिक अवस्था बुझन र बुझाउनका लागि विद्यालयले नियमित रूपमा अभिभावक, व्यवसथापन समिति र शिक्षक तथा विद्यार्थीहरूको संयुक्त बैठक बस्नु पर्नेमा अभिभावक गगनसिंह धामीले जोड दिए ।

रविना चौधरी