इन्सेक गतिविधिहरू

अनौपचारिक क्षेत्र सेवा केन्द्र (इन्सेक) नवलपरासी (बर्दघाट सुस्ता पूर्व)को आयोजनामा  विनयी त्रिवेणी गाउँपालिकामा शिक्षाको अधिकारबारे शिक्षक, अभिभावक र विद्यार्थीहरु बिच अन्तरक्रिया कार्यक्रम मङ्सिर २८ गते सम्पन्न भएको छ ।

कार्यक्रममा गाउँपालिका अध्यक्ष डम्बर बहादुर जि.सी.ले स्थानीय सरकार गठन पश्चात शैक्षिक सुधारको कार्यक्रमलाई प्राथमिकतामा राखेर कार्य गरिरहेको बताउनुभयो ।

उहाँले पालिकामा रहेका धार्मिक सहित ४३ ओटा सामुदायिक विद्यालयहरुको भौतिक तथा शैक्षिक गुणस्तर सुधारको लागि आवश्यक बजेट विनयिोजनसंगै त्यसको अनुगमन र मुल्याङ्कन भइरहेको बताउनुभयो ।

सिमित श्रोत, भौगलिक अवस्था, जनजाप लगायतको कारण अपेक्षित लक्ष्य प्राप्त गर्न नसेकेको भएपनि विगतको तुलनामा शैक्षिक सुधारमा उल्लेखनिय प्रगति भएको उहाँले बताउनुभयो ।

उहाँले गाउँपालिकामा बालविवाह, बाल श्रम, लागुऔषध दुव्र्यसनी जस्ता कार्य विद्यालय शिक्षामा देखिएका चुनौती भएको भन्दै त्यसको व्यवस्थापनको लागि सबै सरोकारवालाहरुले पहल र सचेतना मुलक कार्य गर्न आवश्यक रहेको बताउनुभयो ।

कार्यक्रममा गाउँपालिकाका शिक्षा शाखा प्रमुख भुपराज पाण्डेले विद्यार्थी सङ्ख्या अनुसारको दरबन्दी कायम नहुँदा सामुदायिक विद्यालयहरुमा कक्षा सञ्चालन र अर्थ व्यवस्थापनमा समस्या देखिएको बताउनुभयो ।

उहाँले सङ्घिय सरकारबाट प्राप्त दरबन्दी अपुग भएका कारण पालिकाले नै आफ्नै लगानीमा प्रत्येक सामुदायिक विद्यालयकामा कम्तीमा एक जना दरबन्दी कायम गरी शिक्षक पठाएको बताउनुभयो ।

कार्यक्रममा सहभागी हुदै विभिन्न विद्यालयबाट आउनु भएका शिक्षक तथा अभिभावकहरुले विद्यालय उमेर समूहका बालबालिकामा देखिएको बालश्रम, बाल विवाह, लागुऔषध दुव्र्यसनी बारे जानकारी गराउनुभएको थियो ।

विनयी त्रिवेणी गाउँपालिकामा भइरहेको नदीजन्य पदार्थको अवैध उत्खनन्को कारण सृजित बाल श्रमले दुव्र्यसनी बढेको उहाँहरुको भनाई छ ।

कोभिड–१९ को कारण सृजित अवस्थामा विद्यालयमा सबै विद्यार्थी उत्तिर्ण हुने अवस्थाले झन् नपढी पास भइन्छ भन्ने बाल मनोविज्ञान विकसित भइरहेको भन्दै त्यसलाई समयमा नै सही बुझाइ स्थापित गर्न आवश्यक रहेको उहाँहरुको भनाइ छ ।

तिर्थराज डुम्रे