इन्सेक गतिविधिहरू

अनौपचारिक क्षेत्र सेवा केन्द्र (इन्सेक)को समन्वयमा शम्भुनाथ नगरपालिकामा ०८१ भदौ २९ गते हाजिरी जवाफ, सुन्दर लेखन प्रतियोगिता र नृत्य कार्यक्रम गरी ६०औं राष्ट्रिय बालअधिकार दिवस मनाइएको छ ।

“बालबालिकामा लगानीः सुनिश्चित भबिष्यको थालनी” भन्ने मुल नाराका साथ शम्भुनाथ नगरपालिकाको शिक्षा युवा तथा खेलकुद शाखाको आयोजनामा शम्भुनाथ नगरपालिका वडा नं. ७ स्थित बुद्धिलाल विद्यामुनर नमुना माध्यमिक विद्यालय भगवतपुर बडहरीमा विविध कार्यक्रमका साथ पुरस्कार वितरण गरी बाल दिवस मनाइएको हो ।

शम्भुनाथ नगरपालिकाको नौ ओटा माध्यमिक विद्यालयमा अध्ययनरत कक्षा ९ र १० का विद्यार्थीहरू सम्मिलित हाजिरी जवाफ प्रतियोगितामा र १३ ओटा विद्यालयमा अध्धयनरत कक्षा ६ देखि ८ सम्मका विद्यार्थीहरू सम्मिलित अंग्रेजी र नेपाली सुन्दर लेखन प्रतियोगिताको आयोजना गरिएको इन्सेक जिल्ला सहजकर्ता अजय परियारले जानकारी दिनुभयो ।

हाजिरी जवाफ प्रतियोगितामा माध्यमिक विद्यालय खोक्सर प्रवाहाले प्रथम, बुध्दिलाल विद्यामुनर नमुना माध्यमिक विद्यालयले द्वितीय र जनता माध्यमिक विद्यालयले तृतीय स्थान हासिल गरेको छ ।

यसैगरी सुन्दर लेखन तर्फ नेपालीमा जनता रामदयाल माध्यमिक विद्यालयकी झर्ना चौधरी प्रथम, माध्यमिक विद्यालय खोक्सर प्रवाहका करण कुमार चौधरी र सुष्मिता तामाङ क्रमशः द्वितीय र तृतीय तथा राजोवती माध्यमिक विद्यालयकी माधुरी कुमारी साह चतुर्थ हुनु भएको छ । अंग्रेजी तर्फ बुध्दिलाल विद्यामुनर नमुना माध्यमिक विद्यालयकी सुष्मा चौधरीले प्रथम, जनता रामदयाल माध्यमिक विद्यालयकी दमना चौधरीले द्वितीय, बुध्दिलाल विद्यामुनर नमुना माध्यमिक विद्यालयका पारस बरियार थारुले तृतीय, राजोवती माध्यमिक विद्यालयकी माधुरी कुमारी साहले चतुर्थ र मदन आधारभूत विद्यालयका करण सदाले पाँचौ स्थान प्राप्त गरे ।

कार्यक्रममा प्रमुख अतिथी कार्यवाहक नगर प्रमुख अनिता चौधरीले बालबालिकाहरू समाज र राष्ट्रको धरोहर भएकाले उनीहरुलाई जरैदेखि बलियो र सकारात्मक चिन्तन भएका नागरिक बनाउनु पर्ने बताउनु भयो । बालबालिकाहरूले प्रतियोगिताहरुलाई प्रतिस्पर्धा भन्दा अवसरका रुपमा लिनुपर्ने बताउनु भयो ।

शिक्षा शाखा अधिकृत बिदुर बिक्रम थापाको अध्यक्षतामा भएको कार्यक्रममा विशिष्ट अतिथी इन्सेकद्वारा गठित प्रदेश मानव अधिकार समुहकी अध्यक्ष देवीमाया भटृराई, शिक्षा शाखा अधिकृत, नगरपालिका सदस्यहरू, सहभागी विद्यालयका शिक्षकहरू, पत्रकार, समाजसेवी, मानवअधिकार समूहका पदाधिकारीहरू सहभागी हुनु हुन्थियो ।

मनोहरकुमार पोखरेल