इन्सेक गतिविधिहरू

इन्सेकको अयोजना तथा रामज्ञानु एफएमको सहकार्यमा मधुवन नपा-४ माचडमा वैशाख १८ गते भएको एक कार्यक्रममा मधुवन नपाका मेयर गणेशबहादुर क्षेत्रीले विद्यालय अनुगमन गरी पाएका समस्यालाई समाधान गर्ने प्रतिवद्धता जनाएका छन् ।

इन्सेकद्वारा सञ्चालित इएलपी परियोजना अन्तर्गत भएको सेवाप्रदायक र सेवाग्राहीबिच स्थानीय तह स्तरीय अन्तरक्रिया कार्यक्रममा मेयर क्षेत्रीले शिक्षा, स्वास्थ्य र खाद्य क्षेत्रका समस्यालाई प्राथमिकीकरण गरी समस्या समाधानको लागि योजना बनाएर उपलब्धि देखिने गरी सम्बन्धित सबै निकाय र सरोकारवालाहरूलाई सहभागी गराई काम गर्ने बताए ।

द्वन्द्व पीडितका बालबालिकाको शिक्षा र रोजगारीको लागि विशेष प्राथमिकतामा राखी अवसरको सृजना गर्ने पनि उनले बताए । साथै शिक्षा, स्वास्थ्य र खाद्य क्षेत्रका समस्यालाई समाधान गर्न वडा तथा नगर स्तरबाट नै काम गर्न सकिने उनको भनाई छ ।

सो अवसरमा उपस्थित मधुवन नपा-१ का वडाध्यक्ष पर्शुराम चौधरी, २ का वडाध्यक्ष पहाडी थारु र ४ का वडाध्यक्ष विन्तीराम थारुले शिक्षा, स्वास्थ्य र खाद्य क्षेत्रका समस्या वास्तविक रहेको र आफ्नो तहबाट समाधानको लागि पूर्णरूपमा लाग्ने प्रतिबद्धता जनाए ।

मानबहादुर चौधरी