इन्सेक गतिविधिहरू

विकासका लागि नागरिक समाज तथा सञ्चार जगतबिच सहकार्य विषयक अन्तरक्रिया कार्यक्रम पुस ११ गते रामेछापको सदरमुकाम मन्थलीमा सम्पन्न गरिएको छ ।

युएसएआइडीको आर्थिक सहयोगमा अनौपचारिक क्षेत्र सेवा केन्द्र (इन्सेक) र एफएचआई ३६० को साझेदारीमा सञ्चालित पारस्पारिक जबाफदेहिता परियोजनाको आयोजनामा सो कार्यक्रम गरिएको हो ।

कार्यक्रममा अधिवक्ता बाबुकाजी दाहालले दिगो विकासका लागि स्थानीय तहका जनप्रतिनिधिहरू गम्भीर हुनुपर्ने बताए । नेपाल पत्रकार महासङ्घ रामेछापका अध्यक्ष रमेश ढुङ्गेलले सदरमुकाम मन्थलीको देवकोटा चोकबाट मालपोत कार्यालय हुँदै बसपार्क निस्कने सडकमा अलकत्रा बिच्छ्याइएको एक हप्ता बितिसक्दा पनि काम हुन नसकेको बताए । यसका लागि पत्रकार र नागरिक समाजको खबरदारी आवश्यक रहेको उनको भनाई छ । उनले जिल्लाका धेरै स्वास्थ्य संस्थाहरूमा औषधिको अभाव हुँदा पनि स्थानीय तहलगायत सरोकारवाला निकायले प्रभावकारी काम गर्न नसकेको बताउँदै पत्रकार र नागरिक समाजको सामूहिक खबरदारी जरूरी रहेको बताए ।

सुशासनकर्मी उमङ्ग मैनालीले स्थानीय तहले विकासका नाममा बवै क्षेत्रको बजेट सडकमा खर्च गरिरहेको बताए । कात्तिक मसान्तसम्म स्थानीय तहमा बनेका योजनाहरूको पहिलो चौमासिकको भुक्तानी हुनुपर्ने भएपनि अहिलेसम्म उपभोक्ता समिति नै बनाउन नसकेको उनले बताए ।

नवराज पथिक