इन्सेक गतिविधिहरू

इन्सेक क्षेत्रीय कार्यालय विराटनगरको आयोजनामा असार ३१ गते इन्सेकद्वारा पूर्वाञ्चलमा सञ्चालित कार्यक्रमको वार्षिक समिक्षा बैठक सम्पन्न भएको छ ।

समीक्षा वैठकमा इन्सेक केन्द्रीय कार्यालयको मानव अधिकार शिक्षा कार्यक्रमकी व्यवस्थापक गीता गौतमले समग्र कार्यक्रमको उपलब्धी र प्रभावको खोजी गर्दै आगमी दिनमा यस कार्यक्रमलाई अझ शसक्त र उपयोगी बनाउन लाग्नुपर्ने बताइन् ।

इन्सेक पूर्वाञ्चल क्षेत्रीय कार्यालयका संयोजक सोमराज थापाले स्थानीय सहजकर्ताहरूकै मेहनतका कारण ग्रामीण स्तरमा मानव अधिकारका लागि जनतालाई सुसूचित गराउन सफल भएको बताए ।

वैठकमा मोरङ, सुनसरी र झापाका जिल्ला प्रतिनिधि तथा सहजकर्ताहरूले स्थानीय जनतालाई सचेत पार्दै जिम्मेवार निकायलाई जवाफदेही बनाउन पहल (इएलपी) कार्यक्रमका कारण गाउँमा भएका उपलब्धीका बारेमा जानकारी गराएका थिए ।