इन्सेक गतिविधिहरू

नेपाल मानव अधिकार वर्ष पुस्तक २०२३ प्रकाशन पूर्व जिल्ला वार्षिक पूर्व समीक्षा कार्यक्रम मङ्सिर २४ गते सम्पन्न गरिएको छ ।

सन् २०२२ को जनवरीदेखि नोभेम्वरसम्म इन्सेकले जिल्ला अभिलेखीकरण गरेका मानव अधिकार उल्लङ्घन तथा ज्यादतीका घटनामाथि नेपाल मानव अधिकार वर्ष पुस्तक २०२३ प्रकाशन पूर्व वार्षिक समीक्षा गरिएको हो ।

जिल्लामा अभिलेखीकरण गरिएका घटनामाथि सरोकारवालाबिच समीक्षा गरिएको छ ।

जिल्लामा सन् २०२२ को जनवरी देखि नोभेम्वर सम्ममा ३९ ओटा मानव अधिकारसँग सम्बन्धित घटनाको अभिलेखीकरण गरिएको छ ।

इन्सेक पाँचथरको आयोजनामा समीक्षा कार्यक्रममा बाल अधिकार अन्तरगत  बलात्कारका १४ ओटा, यौन दुर्व्यवहारका  पाँच ओटा, बलबिबाहका तीन ओटा र आत्महत्या दुरूत्साहनका एक ओटा घटना अभिलेखीकरण गरिएको छ ।

महिला अधिकार अन्तरगत  बलात्कारका ६ ओटा, बहुबिबाहका चार ओटा, परिवारबाट हत्याको एक ओटा आत्महत्या दुरूत्साहनका दुई ओटा घटनामाथि समीक्षा गरिएको छ ।

नागरिक तथा राजनीतिक अधिकार अन्तरगतका तीन ओटा ओटा गरी ३९ ओटा घटना अभिलेखीकरण गरिएको छ । समीक्षा कार्यक्रममा महिला र बालिकामाथि यौनजन्य हिंसा जिल्लामा बढ्दो पाइएको छ । अभिलेखीकरण गरिएका घटनामा चार वर्षीया बालिकादेखि ६० वर्षीया वृद्धा महिला पीडित भएका छन् ।

महिला हिंसाविरूद्धको १६ दिने अभियान अन्र्तगत समापन तथा विश्व मानव अधिकार दिवसको समेत सन्दर्भमा आयोजित समीक्षा कार्यक्रममा इन्सेकले प्रस्तुत गरेको तथ्याङ्कमाथि आधारित भएर जिल्लाको समग्र मानव अधिकार अवस्थको विश्लेषण गरिएको छ ।

फिदिम नगरपालिकाका प्रमुख मित्रप्रसाद काफ्लेको अध्यक्षतामा सम्पन्न कार्यक्रममा जिल्लामा मानव अधिकारको अभिलेख राख्ने एक मात्र निकाय इन्सेक रहेको र नगरपालिकाले समेत हेल्प डेस्क निर्माण गरी अन्य आवश्यक तथ्याङ्कको अभिलेख राख्ने योजना बनाउने र यसमा इन्सेक लगायतका सरोकारवालाहरूको सहयोग आवश्यक रहेको बताउनु भयो ।

समीक्षामा सार्वजनिक गरिएको तथ्याङ्कमाथि पत्रकार लक्ष्मी गौतम, अन्तरपार्टी महिला सञ्जालकी गङ्गादेवी श्रेष्ठ, फिदिम नगरपालिका महिला तथा बालबालिका शाखा प्रमुख शर्मिला खापुङ लगायतले सुझाव दिनु भयो ।

समीक्षा कार्यक्रमा जिल्लास्थित सरकारी कार्यालयका प्रमुख तथा प्रतिनिधि, पत्रकार, मानव अधिकारकर्मीलगायतको सहभागिता रहेको थियो ।

सहमान विश्वकर्मा