इन्सेक गतिविधिहरू

नेपाल मानव अधिकार वर्ष पुस्तक-२०१८ का लागि सङ्कलन गरिएका घटनाहरूको प्रकाशन पूर्व अर्धवार्षिक समीक्षा कार्यक्रम जेठ २७ गते खलङ्गामा सम्पन्न भएको छ ।

कार्यक्रममा इन्सेक जिल्ला प्रतिनिधि मीना बुढाथोकीले नेपाल मानव अधिकार वर्ष पुस्तकमा समावेश गरिने मानव अधिकार उल्लङ्घन तथा ज्यादतीका घटना समावेश गरिएको प्रतिवेदन प्रस्तुत गरेकी थिइन् ।

प्रतिवेदनमा विगत ६ महिनामा सात ओटा बलात्कारका घटना समावेश गरिएको छ । ती मध्ये बालिकामाथि भएका बलात्कार, यौन दुर्व्यवहारका दुई तथा महिलामाथि भएका बलात्कार तथा बलात्कार प्रयासका पाँच ओटा घटना रहेका छन् ।

यस्तै गैरकानुनी गिरफ्तारी अन्तर्गतको घटना एक, स्थानीय तहको चुनावका बेला भएका सम्पति र संरचना क्षतिका दुई ओटा, हत्याको एक, घरेलु हिंसाको एक र बहुविवाहको एक ओटा घटनाको विवरण प्रस्तुत गरिएको थियो ।

इन्सेक क्षेत्रीय कार्यालय, नेपालगञ्ज