इन्सेक गतिविधिहरू

अनौपचारिक क्षेत्र सेवा केन्द्र (इन्सेक)को आयोजनामा नेपाल मानव अधिकार वर्षपुस्तक-२०१९ का लागि सङ्कलन गरिएका घटनाहरूको अर्धवार्षिक पूर्व समीक्षा कार्यक्रम असार ७ गते सम्पन्न गरिएको छ ।

कार्यक्रममा क्षेत्र नं.२ (ख) बर्दघाट सुस्ता पश्चिमका सांसद बैजनाथ जैसवालले गरिबी, अशिक्षा र बेरोजगारीका कारण र कडा कानुनको अभावमा पनि मानव अधिकार उल्लङ्घन तथा ज्यादतीका घटना बढ्दै आएको बताए ।

प्रमुख जिल्ला अधिकारी देवेन्द्रप्रसाद लामिछानेले जनचेतनात्मक कार्यक्रम सदरमुकाममा भन्दा दुरदराजमा गर्नुपर्ने बताउँदै घटना सङ्कलन गरी प्रकाशन अगावै सरोकारवालालाई सूचित गराएकोमा इन्सेकलाई धन्यवाद दिए ।

कार्यक्रममा इन्सेक प्रतिनिधि नारायण पराजुलीले प्रदेश नं.४ का ४३ र प्रदेश नं.५ का ५० वटा घटना प्रस्तुत गरेका थिए । जसमा नवलपुर जिल्लामा बाल यौनजन्य हिंसाका १३ वटा, बर्दघाट सुस्ता पश्चिममा १४ वटा रहेका छन् । बर्दघाट सुस्ता पूर्वमा महिला हिंसाका १३ वटा र बर्दघाट सुस्ता पश्चिममा २३ वटा रहेका छन् । दुवै जिल्लामा बहुविवाहका दुई, मानव बेचबिखनका दुई गरी ९३ वटा घटना सार्वजनिक गरिएको छ ।

नारायण पराजुली