इन्सेक गतिविधिहरू

इन्सेकको पहलमा गठित चापपानी मानव अधिकार निगरानी समूहले बगनासकाली गाउँपालिका-९ तथा साविकको चापपानी गाविसको आर्थिक सहयोगमा गाविसका ३ वटा बिद्यालयमा सेनेटरी प्याड प्रदान गरेको छ ।

चन्द्र माध्यमिक विद्यालय, कालिका आधारभूत बिद्यालय र बसन्त आधारभूत बिद्यालयमा प्याड वितरण गरेको छ । निगरानी समूहका संयोजक रणप्रताप खाँणले चन्द्रलाई ३० थान, कालिकालाई २० थान र बसन्तलाई २० थान प्याड हस्तान्तरण गरे ।

आर्थिक वर्ष २०७३/०७४ बाट निगरानी समूहलाई विनियोजन गरेको २० हजार रुपियाँबाट १६ हजार रुपियाँको यसअघि मानव अधिकारसम्बन्धी तालिम सञ्चालन गरिएको र बाँकी रहेको ४ हजार रुपियाँबाट विद्यालयमा आवश्यक रहेको प्याड उपलब्ध गराइएको उनले बताए ।

यसअघि गाविसमा आयोजित गाविस स्तरीय समस्या पहिचान कार्यक्रममा विद्यालयमा प्याड उपलब्ध नहुँदा महिनावारी भएका छात्राहरुलाई समस्या हुने गरेको विषय उठेको थियो । विद्यालयले एक जना शिक्षिकालाई फोकल पर्सन बनाई महिनावारी भएका छात्राहरूलाई प्याड उपलब्ध गराइने चन्द्र माविका निमित्ति प्रअ नारायण गैरेले बताए ।

यज्ञमूर्ति तिमिल्सिना