इन्सेक गतिविधिहरू

लोकतन्त्र सफल भयो भने मानव अधिकार सफल हुने पञ्चपुरी नगरपालिकाका प्रमुख लालबीर भण्डारीले बताउनु भयो ।

कार्यक्रमको उद्घाटन सत्रमा बोल्दै पञ्चपुरी नगरपालिका प्रमुख लालबीर भण्डारीले लोकतन्त्रको रक्षा गरेपछि मानव अधिकारको रक्षा हुने भएको हुँदा सबैले लोकतन्त्रको रक्षा सबैले गर्न आवश्यक भएको बताउनु भयो ।

भण्डारीले स्थानीय तहमा मानव अधिकारको रक्षा हुने काममा सधैं लाग्ने प्रतिवद्धता जनाउनु भयो । पञ्चपुरी नगरपालिकाले गर्ने हरेक बिकासका काममा मानव अधिकारको रक्षा गर्दै योजना निर्माण गर्ने बताउनु भएको छ ।

त्यसैगरी कार्यक्रममा बोल्दै  बराहताल गाउपालिका उपाध्यक्ष लक्ष्मी पुन मगरले मानव अधिकार भनेको मानिस जन्म देखि मृत्यु सम्मको अधिकार हो । मानव अधिकार  मान्छेको जिवनभर आवश्यक रहने भएको हुँदा हामीले गर्ने हरेक काममा मानव अधिकारको पनि ख्याल गर्नुपर्ने बताउनु भएको छ । मानव अधिकालाई वास्तविक जीवनमा लागु गर्ने अवगत गराउनु भयो ।

इन्सेक कर्णाली प्रदेश सुर्खेतको आयोजनामा भएको मानव अधिकार समूहका सदस्य तथा स्थानीय  सरकारवालाहरूका लागि क्षमता अभिवृद्धि कार्यशाला पञ्चपुरी नगरपालिकामा सुरु भएको कार्यक्रममा  वराहताल गाउपालिका र पञ्चपुरी नगरपालिका मानव अधिकार समूहका सदस्य तथा सरोकारवाला गरि ३० जनाको सहभागीता रहेको छ ।

दुई दिनसम्म सञ्चालन हुने कार्याशालामा इन्सेक अभियान र मानव अधिकारको अवधारणा, मौलिक हक र न्यायीक समितिको काम कर्तव्य अधिकार, वातावरण संरक्षण र वातावरण संरक्षणमा मानव अधिकार समुहका सदस्यको  भुमिका, जातिय तथा लैंगिक विभेद र कानुनी प्रावधान, आर्थिक, सामाजिक र सांस्कृतिक अधिकार शिक्षा, स्वास्थ्य र वातावरण संरक्षणको अधिकार , मानव अधिकार समूहको क्रियाकलाप, नेतृत्व विकास र मानव अधिकार समूहको भूमिका लगाएतका बिषयमा छलफल गरि समस्या पहिचान गरी कार्ययोजना निर्माण गर्ने कार्यक्रम रहेको छ ।

कार्यशालामा इन्सेक कर्णाली संयोजक नारायण सुवेदी, अधिवक्ता खेमराज तिवारी, जनज्योति माध्यमिक बिद्यालय बराहतालका प्रधानाध्यापक नारायण सिग्देल र ईन्सेकका फोकल पर्सन दुर्गा थापा लगाएतले कार्यक्रम सहजीकरण गर्नुहुने छ ।

प्रभाकुमारी रावत