इन्सेक गतिविधिहरू

लैङ्गिक हिंसा नियन्त्रणका लागि जिल्लामा गठन गरिएको सञ्जालमा इन्सेकलाई सदस्यमा चयन गरिएको छ ।

जिल्लामा गठन गरिएको सञ्जालमा इन्सेक सुनसरी प्रतिनिधि जयकृष्ण यादवलाई सदस्यका रूपमा चयन गरिएको छ ।

जिल्ला  प्रहरी कार्यालयले कात्तिक २४ गते आयोजना गरेको सञ्जाल गठन कार्यक्रममा इन्सेक प्रतिनिधिसहित २१ सदस्यीय लैङ्गिक हिंसा नियन्त्रण समिति गठन गरिएको छ ।

जिल्लामा लैङ्गिक हिंसाका घटना भइरहने भएकाले प्रहरी र अधिकारकर्मीको संयुक्त सहकार्य र समन्वयमा समिति गठन गरिएको जिल्ला प्रहरी कार्यालयका इन्स्पेक्टर निराला भण्डारीले बताउनु भयो ।

जिल्लामा मानव अधिकार हनन्, बालबालिका ओसारपसार, मानव बेचबिखन र घरेलु हिंसासम्बन्धीका घटनालाई न्यूनीकरण गर्न विभिन्न सरोकारवाला निकायसँग समन्वय गरेको इन्स्पेक्टर भण्डारीको भनाइ छ ।

जिल्ला प्रहरी कार्यालयका एसपी विपिन रेग्मीको संयोजकत्वमा २१ सदस्यीय समिति गठन गरिएको हो ।

समितिमा सदस्य सचिव (पदेन) महिला तथा बालबालिका सेवा केन्द्रकी इन्स्पेक्टर निराला भण्डारी रहनु भएको छ ।

समितिले जिल्लामा लैङ्गिक हिंसा नियन्त्रणका लागि अभियान सञ्चालन गर्नेछ ।

जयकृष्ण यादव