लैगिंक हिंसा विरूद्धको अभियानको अवसरमा मानव बेचबिखन तथा ओसार पसार सम्बन्धी सचेतना मूलक सडक नाटक प्रदर्शन

  ०८० मङ्सिर १८ गते

कपिलवस्तु नगरपालिका– ३ स्थित श्री यशोधरा मावि तौलिहवामा इन्सेकद्वारा गठित बाल अधिकार चेतना समूह र मानव अधिकार समूह कपिलवस्तुको आयोजना , कपिलवस्तु नगरपालिका– १ र ३ को वडा कार्यालयको समन्वयमा मङ्सिर १७ गते  “लैंगिंक हिंसा अन्त्यको सुनिश्चितता महिला र बालबालिकामा लगानीको ऐक्यवद्धता“ भन्ने राष्ट्रिय नाराका साथ १६ दिने लैगिंक हिंसा विरूद्धको अभियानको अवसरमा सडक नाटक प्रदर्शन गरिएको छ  ।

नाटकमा अभिभावकहरुले छोरा र छोरीलाई बराबर अधिकार  दिनुपर्ने , आफन्तहरूबाट नै विभिन्न प्रलोभन देखाएर बेचबिखनमा महिला तथा बालबालिकाहरू पर्दै आएकाले अभिभावकहरू सचेत हुनुपर्ने ,दाईजो , घरेलु हिंसा, श्रम शोषण र  लैंगिक हिंसाले आर्थिक, समाजिकरुपमा असर पर्ने, लैंगिंक विभेदका कारण  छोरीहरूल हिंसा भोग्न बाध्य भएकोले लैंगिंक हिंसा न्यूनिकरण गर्न घरदेखि नै सचेतना फैलाउन सबैले हातेमालो गर्नुपर्ने लगायतका  सन्देश मूलक सूचना प्रवाह गरेका थिए ।

कार्यक्रममा वडा–१ का कार्यवाहक वडा अध्यक्ष बिष्णु बारीले १६ दिने लैगिंक हिंसा विरूद्धको अवसरमा विद्यालयका बालबालिकाहरूले स्वरुप बदलेर मानव बेचबिखनको समस्या समाजमा बढ्दै गएको सन्देश मूलक सडक नाटक प्रस्तुत समय सान्दर्भिक भएको बताउनु भयो ।

photo2023120401kapilvastu

पार्वती आचार्य