इन्सेक गतिविधिहरू

इन्सेक, कञ्चनपुर र मानव अधिकार आयोग क्षेत्रीय कार्यालय धनगढीको संयुक्त आयोजनामा कञ्चनपुर जिल्लाको महेन्द्रनगरमा यातना विरूद्धको अधिकार सम्वन्धि अनुशिक्षण कार्यक्रमा मङ्सिर १ गते सम्पन्न भएको छ ।

नेपाल प्रहरीका कर्मचारीहरू र नागरिक समाजका प्रतिनिधिहरूलाई यातनाविरूद्धको अधिकारका बारेमा जानकारी गराउने उद्धेश्यले आयोजना गरेको अनुशिक्षण कार्यक्रममा मानव अधिकार आयोग क्षेत्रीय कार्यालय धनगढीका निमित्त निर्देशक दिपक ध्वजजङ्ग कार्की, मानव अधिकार अधिकृत पवन भट्ट र इन्सेक जिल्ला प्रतिनिधि कोमलनिरञ्जन भाटले सहजीकरण गरेका थिए ।

अनुशिक्षण कार्यक्रममा मानव अधिकारको परिचय, मानव अधिकारको अवस्था, यातनाविरूद्धको अधिकारसम्बन्धी महासन्धि र मानव अधिकार संरक्षणमा प्रहरीको भूमिकालगायतका विषयहरूमा छलफल भएको थियो ।

अनुशिक्षण कार्यक्रममा नागरिक समाजका प्रतिनिधिहरू प्रहरी कर्मचारीहरू, मानव अधिकारकर्मीहरू र पत्रकार लगाएर ४५ जनाको सहभागिता रहेको थियो ।

कोमलनिरञ्जन भाट