मानव अधिकार समूहले मागदावी गर्दै खजुरा गाउँपालिका ध्यानाकर्षण पत्र बुझायो

  ०८० कातिक २ गते

मानव अधिकार समूह खजुराले सरोकारवाला निकायलाई जवाफदेही बनाउन खानेपानी, स्वास्थ्य, शिक्षा, वातावरण अधिकारका विषयमा मागदावी गर्दै कात्तिक १ गते ध्यानाकर्षण पत्र बुझाएको छ ।

शिक्षा क्षेत्रमा दिवाखाजा अनमियतता, शौचालय, खानेपानी व्यवस्थित बनाउनु पर्ने, विषयगत शिक्षक अभाव, एक विद्यालय एक स्टाफ नर्स, विद्यालयमा प्राथमिक उपचारको किटबक्स उपलब्ध हुनुपर्ने लगायतका विषयहरू माग गरेको छ ।

यसैगरी, स्वास्थ्य क्षेत्रमा औषधि अभाव, स्वास्थ्य बिमा कार्यक्रम लगायत सरकारले दिने स्वास्थ्य सेवा बारे मधेशी मुस्लिम समुदायमा जानकारी गराउन सचेतना कार्यक्रम सञ्चालन गर्नुपर्ने, शुद्ध खानेपानीको व्यवस्था गर्नुपर्ने, प्लाष्टिक फोहोर व्यवस्थापन, वातावरण सङ्क्षणसम्बन्धी कानुन बनाएर कार्यान्वयन गर्नुपर्ने, जथाभावी फालेको फोहोर वातावरण प्रदुषण हुने हँदा मिनिपार्क नजिकको पेडारी नालामा फालिने प्लाष्टिक फोहोरको उचित व्यवस्थापन गर्नपर्ने, मागहरू उल्लेख गरिएको छ ।

बर्मेली टोलवासीले २०७१ देखि स्वच्छ खानेपानी पिउन नपाएको खजुरा गाउँपालिका–६ को हेमसागर निरौलाले बताउनु भयो ।

खजुरा गाउँपालिका उपाध्यक्ष मन्जु मल्लले घरेलु हिंसा, जातीय विभेद तथा लक्षित वर्गकालागि बजेट वृद्धि गरी शसक्तिरकण गर्दै जाने, फोहोर व्यवस्थापन गर्न बैजनाथ गाउँपालिकासँग समन्वय गरी डमपिंङ्ग साइड निर्माण गर्ने, र सेनेटरी प्याड व्यवस्था  गर्न मेसिन खरिद गर्न गाउँ सभामा पेश गरी सकेको जानकारी गराउदैं आगामि दिनमा कार्यान्वयन गर्ने भनि प्रतिबद्धता जनाउनु भयो ।

यसैगरी, इन्सेक नेपालगञ्जकी कार्यक्रम अधिकृत सरस्वती मल्लले खाद्यान्न मिसावट, अदाद्य बस्तु बिक्री बितरण भएको विषयमा बजार अनुगमन गर्न उपभोक्ता हित सङ्रक्षण समिति गठन गर्नु पर्ने बताउनु भयो ।

Photo2023101902banke

ध्रुबराज शर्मा