इन्सेक गतिविधिहरू

माछापुच्छ्रे गाउँपालिकामा इन्सेकले गठन गरेको मानव अधिकार समूहले भदौ २६ गते सोही गाउँपालिकाको महेन्द्र माध्यमिक विद्यालयको अनुगमन गरेको छ ।

माछापुच्छ्रे गाउँपालिका-४ लाहाचोकमा रहेको महेन्द्र माध्यमिक विद्यालयमा मानव अधिकार समूहकी कोषाध्यक्ष प्रेमकुमारी अधिकारी र सहजकर्ता शुष्मा आचार्य अधिकारीले अनुगमन गर्नुभएको हो ।

विद्यालयको पछिल्लो अवस्थाका बारेमा अनुगमन गरेको सहजकर्ता आचार्यले बताउनु भयो । उहाँले भन्नुभयो-‘विद्यालयको  खानेपानीको अवस्था, शौचालय र पठनपाठनको अवस्थाको बारेमा अनुगमन गरेका हौँ ।’

यसअघि पनि समूहले विद्यालयको अनुगमन गरेको थियो । त्यसबेला छात्रा शौचालयमा ढोका नरहेको र पानीको अभाव रहेको पाइएको थियो । यसपटक भने ती विषयमा सुधार भएको आचार्यले बताउनु भययो ।

बाल अधिकार समूहका संरक्षक शिक्षक नवराज अधिकारीले विद्यालयका क्रियाकलापमा बालबालिकाको सहभागितालाइ जोड दिनुपर्ने बताउनु भयो । विद्यालयलाई बालमैत्री बनाउनुपर्नेमा उहाँको जोड थियो ।

यसैबिच माछापुच्छ्रे गाउँपालिकामा मानव अधिकारको क्षेत्रमा काम गर्न इन्सेक औपचारिक रुपमा सूचीकृत पनि भएको छ ।

सञ्जय रानाभाट