मानव अधिकार समूहद्वारा मृतक परिवारलाई खाद्यान्न सहयोग
इन्सेकद्वारा गठित मानव अधिकार समूह बाणगंगाले मृतक परिवारलाई असार २९ गते खाद्यान्न सहयोग गरेको छ ।
बाणगंगा नगरपालिका– ११ दक्षिण चेतियाकी ६१ वर्षीया मृतक घौघी थारूको परिवारलाई समूहका अध्यक्ष इन्दिरा पन्तको नेतृत्वमा इन्सेक प्रतिनिधि पार्वती आचार्यलगायतले सहयोग हस्तान्तरण गरेका हुन् ।
समूहका पदाधिकारीहरू र हरि ज्ञवाली , राजी गौतम र सारदा पाठकबाट सङ्कलन गरिएको ५ हजार रूपियाँबाट गते खाद्यान्न खरिद गरी हस्तान्तरण गरिएको हो । खाद्यान्नमा ५० किलो गहुँको पिठो, २० किलो आलु र सात लिटर खानेतेल खरिद गरी उक्त परिवारलाई हस्तान्तरण गरिएको समूहका सचिव मधु पाण्डेले बताउनु भयो ।
बोल्न, उठ्न र सुन्न नसक्ने ज्येष्ठ नागरिक बिगत नौ महिना देखि बिच्छौना बिनाको खटियामा सुत्दै आउनु भएको थियो । उहाँको असार २३ गते खटियामै मृत्यु भएको थियो ।
अति विपन्न परिवारलाई खान समस्या परेको मृतकका छोरा जितबहादुर थारूले गुनासो गरे पछि सहयोग गरिएको सचिव मधु पाण्डेले बताउनु भयो ।
यस अघि पनि असार १५ गते इन्सेक र मानव अधिकार समूहले खाद्यान्न र लत्ताकपडा लगायतका सामाग्रीहरू उक्त परिवरलाई सहयोग गरेको अध्यक्ष इन्दिरा पन्तले बताउनु भयो ।
आमा जिवीत हुँदा र मृत्यु पश्चातसमेत सहयोग गरेको भन्दै मृतकका छोरा जितबहादुर थारूले इन्सेक र मानव अधिकार समूहलाई धन्यवाद दिनु भयो ।
आर्थिक अवस्था कामजोर रहेका उहाँका एक वर्षदेखि १३ वर्षसम्मका चार जना बालबालिका शिक्षाबाट बञ्चित रहेका छन् ।
पार्वती आचार्य
सम्बन्धित इन्सेक गतिविधिहरू
मानव अधिकारको विश्वव्यापी आवधिक समीक्षासम्बन्धी प्रदेशस्तरीय परामर्श सम्पन्न
अनौपचारिक क्षेत्र सेवा केन्द्र (इन्सेक) कर्णाली प्रदेश कार्यालय,सुर्खेत र लुथरन विश्व फेड्रेशनको संयुक्त आयोजनामा मानव अधिकारको विश्वव्यापी आवधिक मध्यावधीक समीक्षासम्बन्धी प्रदेशस्तरीय परामर्श जेठ १९ गते सुर्खेतमा सम्पन्न भएको छ ।…
मानव अधिकार तथा कानुनी संयन्त्रसम्बन्धी अभिमुखीकरण तालिम सम्पन्न
मानव अधिकार तथा कानुनी सयन्त्रसम्बन्धी अभिमुखीकरण तालिम ०८० जेठ १९ गते हेटौँडामा सम्पन्न भएको छ । अनौपचारिक क्षेत्र सेवा केन्द्र (इन्सेक) को आयोजनामा सञ्चालन भएको दुई दिने तालिममा मनहरी गाउँपालिका…
वातावरणीय प्रदुषण कम गर्न माग गर्दै सामाजिक विकास मन्त्रीलाई ध्यानाकर्षण पत्र
प्रदेश स्तरीय मानव अधिकार समूहले कर्णालीमा निमार्णाधीन तथा चालु सडकहरु उचित व्यवस्थापनका साथ निमार्ण तथा सञ्चालन गर्न माग गर्दै जेठ १३ गते सामाजिक विकास मन्त्री खड्कबहादुर पोखरेललाई ध्यानाकर्षण पत्र बुझाएको…
मानव अधिकारको विश्वव्यापी आवधिक समीक्षासम्बन्धी प्रदेशस्तरीय परामर्श सम्पन्न
अनौपचासरक क्षेत्र सेवा केन्द्र (इन्सेक) सुदूरपश्चिम प्रदेश कार्यालय, धनगढी र लुथरन विश्व फेड्रेशनको संयुक्त आयोजनामा मानव अधिकारको विश्वव्यापी आवधिक मध्यावधीक समीक्षासम्बन्धी प्रदेशस्तरीय परामर्श कार्यक्रम जेठ १७ गते धनगढीमा सम्पन्न भएको…
बाल अधिकार चेतना समूहले बुझायो गाउँपालिकामा ध्यानाकर्षण पत्र
मायाँदेवी गाउँपालिका १ स्थित छत्रपाली तिर्था देवी माविमा इन्सेकद्वारा गठित बाल अधिकार चेतना समूहले विद्यालयका समस्या पहिचान गरी गाउँपालिकामा जेठ १४ गते ध्यानाकर्षण पत्र बुझाएको छ । बाल अधिकार समूहले…