इन्सेक गतिविधिहरू

इन्सेकद्वारा गठित मानव अधिकार समूहले विभिन्न माग राख्दै राक्सिराङ्ग गाउँपालिका प्रमुखलाई जेठ १८ गते ज्ञापन पत्र बुझाएको छ ।

ज्ञापन पत्रमा  विद्यालय र आर्यवेदिक अस्पतालको फोहोरको व्यवस्थापन व्यवस्थापन हुनु पर्ने, स्वास्थ्यकर्मीको पदपूर्ति गर्नु पर्ने,  स्वास्थ्य केन्द्रहररूमा औषधि समयमा उपलव्ध नहुने समस्या हटाउनु पर्ने, शिक्षक अभाव पदपूर्ति गर्नु पर्ने, प्रत्येक विद्यालयमा विद्यार्थी संख्या घट्दै गएको विषयमा केन्द्रित भइ समाधान गर्नु पर्ने,बनडडेलोको कारण खानेपानीको अभाव भएकाले त्यसको मर्मत गर्नु पर्ने, वडा नम्बर ३ मा खानेपानीको समस्या भएकाले समाधान गर्नु पर्ने यसैगरी सोही वडामा क्रसर उद्योगका कारण धूलो धुवाले वातावरणीय असर पारेकोले न्यूनिकरण गर्नु पर्ने र  बालविकास केन्द्रलाई भवन उपलब्ध गराउनु पर्ने मागहरू उल्लेख गरिएका छन् ।

राक्सिराङ गाउँपालिका भित्र गठन भएको मानव अधिकार समुहले आफ्‌ना मानव अधिकार शिक्षालाई हरेक तह र तहका जनसमुदाय समक्ष पुर्याउन स्थानयी सरकारले हरेक वर्ष बजेट निर्माण गर्दा मानव अधिकार समूह राक्सिराङ्ग गाउँपालिकालाई केही रकम विनियोजन गरीदिनुहुन समेत विन्रम अनुरोध गरेको समूहका संयोजक चन्द्रमान प्रजाले बताउनु भयो ।

पुष्पराज अधिकारी