मानव अधिकार समूहको परिचालन बैठक सम्पन्न

  ०८० माघ १२ गते

अनौपचारिक क्षेत्र सेवा केन्द्र (इन्सेक) बागमती प्रदेशले मनहरी गाउँपालिका-७ मा गठित मानव अधिकार समूहको आयोजनामा स्थानीय तहमा मानव अधिकार समूहको परिचालन बैठक ०८० माघ ११ गते सम्पन्न भएको छ ।

उक्त बैठक मानव अधिकार समूहले जातीय विभेद महिला विरुद्ध हुने हिंसा वातावरणीय हकजस्ता विषयमा इन्सेक, स्थानीय सरकार, मानव अधिकार समूहको सहकार्यमा सम्पन्न भएको हो ।

कार्यक्रममा मनहरी गाउँपालिका-८ का वडा अध्यक्ष नारायणल उप्रेतीले समाजमा पहिलेको भन्दा अहिले मानव अधिकार उल्लङ्घनका घटनाहरू निकै न्यून रहेको बताउनु भयो । सबै नागरिक समाजले हरेक कार्यक्रहरू मार्फत सबै नागरिकहरूलाई जागरुक बनाइरेको उहाँले उल्लेख गर्नुभयो ।

त्यसैगरी मानव अधिकार समूहको संयोजक विमला गोपालीले स्थानीय तहमा भएका समस्याहरू समाधान गर्नको लागि आफूहरूले पटक पटक स्थानीय तहमा र हरेक वडा कार्यालयहरूमा ज्ञापनपत्र बुझाउने गरेको बताउनु भयो ।

मनहरी अस्पतालका मेडिकल अधिकृत विजय शाहले मनहरी अस्पताल वरिपरी भएको सबै फोहोरहरूको व्यवस्थापन गर्न आफूहरूले सुरु गरेको बताउनु भयो । सबै सेवाग्राहीले समस्या भएको बताएपछि उक्त आफूहरू उक्त फोहोर व्यवस्थापनमा लागेको उल्लेख गर्नुभयो ।

उक्त कार्यक्रममा प्रहरी, इन्सेक जिल्ला सहजकर्ता सलिना गौतम, मानव अधिकार समूहका सदस्यहरू, मानव अधिकार समूहको संयोजक विमला गोपाली, मनहरी गाउँपालिका-८ का वडा अध्यक्ष नारायणल उप्रेती लगाएतको उपस्थिति रहेको थियो ।

Photo_080-10-12_Makwanpur2

Photo_080-10-12_Makwanpur1

Photo_080-10-12_Makwanpur

पुष्पराज अधिकारी