मानव अधिकार शिक्षा कार्यक्रम अन्तर्गत मनहरी गाउँपालिका अध्यक्षलाई ज्ञापन पत्र

  ०८० मङ्सिर २२ गते

मानव अधिकार शिक्षा कार्यक्रम अन्तर्गत शिक्षा, स्वास्थ्य, वातावरण र लैङ्गिक हिंसासम्बन्धी कार्यक्रममा देखिएका समस्याहरू समाधान गर्नको लागि मनहरी गाउँपालिकामा गठन भएको मानव अधिकार समूहले मनहरी गाउँपालिकाको अध्यक्षलाई ज्ञापन पत्र बुझाएको छ ।

मानव अधिकार शिक्षा कार्यक्रम अन्तर्गत शिक्षा, स्वास्थ्य, वातावरण र लैङ्गिक हिंसासम्बन्धी कार्यक्रम अन्तर्गत २०७९ सालदेखि सक्रिय रूपमा राक्सिराङ गाउँपालिका स्तरीय मानव अधिकार समूह क्रियाशील रहँदै आएको हो ।

उक्त समूहले मानव अधिकार शिक्षा कार्यक्रम अन्तर्गत शिक्षा, स्वास्थ्य महिला बालबालिका तथा वातावरणसँग सम्बन्धित क्षेत्रमा स्थानीय सेवाग्राही र सेवा प्रदायक निकायहरूमा विभिन्न जानकारी आदन प्रदानमा सहजता र सेवाप्रवाहमा सबैको पहुँच पुऱ्याउनका लागि मध्यस्थकर्ताको भूमिकानिर्वाह गर्दै आइरहेको मानव अधिकार समूहका संयोजक विमला गोपालीले बताउनु भयो ।

उहाँले मनहरी गाउँपालिकाको शिक्षा, स्वास्थ्य, महिला तथा बालबालिका र वातावरण लगाएतका क्षेत्रमा तपशिलका विषयमा ध्यानाकर्षण गराउने निर्णय गरेको र सोही अनुसार ज्ञापन पत्रमा उल्लेख गरी देखिएका समस्याहरू समाधान गर्नको लागि मनहरी गाउँपालिका अध्यक्ष रञ्जन कालाखेतीलाई ज्ञापन पत्र बुझाएको बताउनु भयो ।

मनहरी गाउँपालिका अध्यक्ष रञ्जन कालाखेतीले ज्ञापन पत्र बुझ्दै गाउँपालिकाको शिक्षा, स्वास्थ्य, वातावरण र लैङ्गिक हिंसासम्बन्धी कार्यक्रमलाई पहिलो प्राथमिकतामा राखेर योजना बनाई काम गर्ने प्रतिबद्धता व्यक्त गर्नु भयो ।

Photo_080-8-22_Makwanpur1

Photo_080-8-22_Makwanpur

पुष्पराज अधिकारी