मानव अधिकार वर्ष पुस्तक २०२३ को प्रकाशन पूर्व वार्षिक समीक्षा सम्पन्न

  ०७९ मङ्सिर २७ गते

अनौपचारिक क्षेत्र सेवा केन्द्र (इन्सेक) तेहृथुमको आयोजनामा नेपाल अधिकार वर्ष पुस्तक २०२३ का लागि जिल्लामा अभिलेखीकरण गरिएका मानव अधिकार उल्लङ्घन तथा ज्यादतीका घटनामाथि सरोकारवालाबिचमङ्सिर २७ गते समीक्षा कार्यक्रम सम्पन्न गरिएको  छ ।

सन् २०२२ को जनवरीदेखि डिसेम्बर १५ सम्म  सङ्कलन गरिएका मानव अधिकार उल्लङ्घन तथा ज्यादतीका घटनाहरूमाथि समीक्षा गरिएको हो ।

समीक्षा कार्यक्रममा प्रमुख जिल्ला अधिकारी मोहनप्रसाद अर्यालले जिल्लामा इन्सेकले मानव अधिकार उल्लङ्घन तथा ज्यादतीका घटनाहरु अभिलेखीकरण गरी सरोकारवालाहरूबिच समीक्षा गर्दा मानव अधिकार घटनाहरू न्यूनीकरणका लागि ठोस कार्ययोजनाका लागि आधार तयार हुने बताउनु भयो ।

जिल्ला प्रहरी कार्यालयका डिएसपी निशान थापाले मानव अधिकार रक्षाका लागि सबैको साफा प्रयास आवश्यक रहेको बताउनु भयो । उहाँले इन्सेकले जिल्लामा मानव अधिकार उल्लङ्घन तथा ज्यादतीका घटना अभिलेखीकरण गरी सरोकारवालाबिच छलफल चलाउँदा जिल्लाको मानव अधिकारको अवस्थामा बारे जानकारी प्राप्त भएको बताउनु भयो ।

महिला मानव अधिकार  रक्षक सञ्जाल जिल्ला अध्यक्ष टङ्कमाया लिम्बूले  इन्सेकले महिला हिंसा र बलात्कार सम्वन्धि मात्र तथ्याङ्क सङ्कलन मात्र नभई अधिकारको अवस्थाका बारेमा समेत खोजी गर्नुपर्ने सुझाव दिनु भयो ।

कार्यक्रममा अधिकारकर्मी, पत्रकार, मानव अधिकार तथा महिला मानव अधिकारकर्मीहरूको सहभागिता रहेको थियो ।

photo 20221213 terhathum

सुरेश खत्री