इन्सेक गतिविधिहरू

नेपाल मानव अधिकार वर्ष पुस्तक-२०१८ का लागि सङ्कलित घटनाको प्रकाशन पूर्व अर्धवार्षिक समीक्षा कार्यक्रम ०७४ असार ५ गते धादिङबेसीमा सम्पन्न गरियो ।

मानव अधिकारको प्रत्यक्ष सरोकार राख्ने र अप्रत्यक्ष सरोकार राख्ने घटनाहरूबारे समीक्षा गरिएको कार्यक्रममा इन्सेक प्रतिनिधि सीताराम अधिकारीले जिल्लाको मानव अधिकार घटनाका बारेमा जानकारी दिए ।

मानव अधिकार उल्लङ्घन तथा ज्यादतीका घटनामा यस वर्ष बलात्कार र बलात्कार प्रयासका घटना धेरै भएको उल्लेख छ ।

सन् २०१७ को ६ महिनाको अवधिमा यस किसिमका नौ ओटा घटना भएको छ । घरेलु हिंसाका पाँच, बहुविवाहका दुई, मानव बेचबिखनको एक र बाल विवाहको एक घटना रहेकोले यस वर्षगैरराज्यको तर्फबाट भएका महिला अधिकार उल्लङ्घनका घटना धेरै रहेको उल्लेख छ ।

यस वर्ष स्थानीय तहको निर्वाचनसमेत रहेकोले निर्वाचनको क्रममा भएको झडपको घटनामा १७ जना घाइते भएको, चार ओटा सवारी साधनमा आगजनी भएको, विद्यालयको गाडी प्रयोग गरिएको, विद्यालयमा कार्यक्रमहरू गरिएको जस्ता घटनाहरू जिल्लामा रहेको सो अबसरमा जानकारी गराइएको थियो ।

सिताराम अधिकारी