मानव अधिकार रक्षकहरूका लागि क्षमता अभिबृद्धि तालिम सम्पन्न

  ०७८ साउन ८ गते

इन्सेक लुम्बिनी प्रदेश कार्यालय, नेपालगञ्जको आयोजना तथा डिसीए परियोजनाको आर्थिक सहयोगमा मानव अधिकार रक्षकहरूको सुरक्षा तथा क्षमता अभिबृद्धी तालिम साउन ८ गते नेपालगञ्ज सम्पन्न भएको छ ।

तालिममा इन्सेक सुदूरपश्चिम प्रदेश कार्यालय, धनगढीका संयोजक खडकराज जोशीले  इन्सेकको परिचय र मानव  अधिकार रक्षकहरुको संरक्षणमा इन्सेकको भूमिका, असहज  परिस्थितिमा माानव अधिकार रक्षकहरुले अपनाउने सुरक्षा र रणनीतिसम्बन्धी सहजिकरण  गर्नु भएको थियो ।

लुम्बिनी प्रदेश कार्यालय, नेपालगञ्जका संयोजक भोला महतले  मानव अधिकार रक्षकको परिभाषा,  अधिकार र दायित्वका विषयमा सहजिकरण गर्नु भएको थियो ।

photo2021072401banke

राष्ट्रिय मानव अधिकार आयोग नेपालगञ्जका प्रमुख झङ्करबहादुर रावलले मानव अधिकार रक्षकसम्बन्धी राष्ट्रिय तथा अन्तराष्ट्रिय प्रावधान र राष्ट्रिय मानव अधिकार आयोगको  भूमिकासम्बन्धी सहजिकरण गर्नु भएको थियो ।

यसैगरी, जिल्ला प्रहरी कार्यालय, बाँकेका डिएसपी मधुसुधन न्यौपानेले मानव अधिकारको संरक्षण र प्रवद्र्धनमा नेपाल प्रहरीको भूमिका,  उपभाेक्ता हित सङ्रक्षण मञ्चका जिल्ला अध्यक्ष बसन्त गौतमले आर्थिक, समाजिक तथा सांस्कृतिक अधिकारको अनुगमन र इन्सेक लुम्बिनी प्रदेश कार्यालय, नेपालगञ्जका प्रलेख अधिकृत विनोद पाण्डेले मानव अधिकार अभिलेखिकरणका विषयमा सहजिकरण गर्नु भएको थियो ।

डुडुवा गाउँपालिका स्तरीय मानव अधिकार रक्षक सञ्जालका सचिव उदयराज जैसवालले तालिममा सिकेको ज्ञान र शिपलाई  मानव अधिकारको संरक्षण र सम्बद्र्धनका लागि व्यवहारतह लागु गर्ने बताउनु भयो ।

बैजनाथ गाउँपालिका स्तरीय मानव अधिकार रक्षक सञ्जालका सदस्य बबिता सिंहले तालिममा सिकेका विषय बस्तुले  स्थानीय स्तरमा काम गर्न सहज हुने बताउनु भयो ।

इन्सेक, लुम्बिनी प्रदेश कार्यालय, नेपालगञ्ज