इन्सेक गतिविधिहरू

शिवपुरी गाउँपालिकामा वडा नं. ८ को लिखुमा मानव अधिकारका सवाल तथा समस्या पहिचानसम्बन्धी कार्यशाला ०८० भदौ १६ गते सम्पन्न भएको छ ।

शिवपुरी गाउँपालिका वडा नं. ८ मा अधिकार तथा आर्थिक विकास मार्फत महिला सशक्तिकरण कार्यक्रम (रिन्यु परियोजना) अन्तर्गत सञ्चालन भइरहेको कार्यक्रममा मानव अधिकारको सवाल विषयक तालिम इन्सेकले सञ्चालन गरेको हो ।

डब्लुपिडि नेपालको सहकार्यमा इन्सेकले शिवपुरी गाउँपालिकाको वडा नं. ८ मा अधिकार तथा आर्थिक विकास मार्फत महिला सशक्तिकरण कार्यक्रम (रिन्यु परियोजना) सञ्चालन गरिरहेको छ । सोही परियोजना अन्तर्गत मानव अधिकारका सवाल पहिचानसम्बन्धी गोष्ठी आयोजना गरिएको हो ।

एक दिने गोष्ठीमा शिवपुरी गाउँपालिका-८ का मोटिभेटर, महिला समूहका सदस्य, महिला जनप्रतिनिधि, किशोरी समूहका सदस्य र बालक्लबका सदस्यहरूको सहभागिता रहेको थियो ।

सहभागीहरूलाई इन्सेकका कार्यक्रम संयोजक कृष्णप्रसाद नेपालले मानव अधिकारको विषयगत स्पष्टता, महिला, बालबालिकाको हक, अधिकार प्रवर्द्धनमा स्थानीय सरकारको भूमिका, मानव अधिकारको सवालहरू पहिचान र यसको संरचनागत प्रक्रियाहरूको बारेमा जानकारी दिनुभएको थियो ।

बालिबालिका तथा महिलाको विकास र निर्णय प्रकृयामा अर्थपूर्ण सहभागिताका लागि समन्वय गर्नु पर्ने स्थानीय तहका सरोकारवाला निकायहरू लगायत शिक्षा, स्वास्थ्य र सामाजिक विकासमा गरिनु पर्ने आधारभूत दायित्वका विषयहरूमा कार्यक्रम संयोजक नेपालले जानकारी दिनुभएको थियो ।

कार्यक्रममा डब्लुपिडि नेपालका फिल्ड सुपरभाइजर राधिका तामाङ र कमला थपलियाले मानव अधिकारको सवाल पहिचान र पहिचान भएका सवाललाई स्थानीय सरकारले सम्बोधन गर्ने प्रक्रियाको बारेमा जानकारी दिनुभएको थियो ।

नवदीप श्रेष्ठ