इन्सेक गतिविधिहरू

नेपाल मानवअधिकार वर्ष पुस्तक २०२३ का लागि संकलित मानवअधिकार सँग सम्बन्धित घटनाहररूको वार्षिक पूर्व समीक्षा कार्यक्रम पुस ८ गते सम्पन्न भएको छ । कार्यक्रममा इन्सेकले अभिलेख गरेको ३१ वटा घटना प्रस्तुत गरिएको थियो । जसमा १४ वटा बालअधिकार अन्तरगत बलात्कार र यौन दुर्व्यवहार, आठ वटा महिला अधिकार अन्तरगत बलात्कार र यौन दुर्व्यवहार , सात वटा कुटपिटका घटना र दुइ वटा बहुविवाहको घटना रहेको छ ।

कार्यक्रममा सहायक प्रमुख जिल्ला अधिकारी चित्राङ्गत बरालले इन्सेकले अभिलेख गर्ने घटनाले मानवअधिकार उल्लंघनको अवस्थाको समाजको चित्र प्रस्तुत भएको बताउनुभयो । वर्ष पुस्तकलाई परिमार्जित र ब्यवस्थित गर्दै लैजान उहाले सुझाव दिनुभयो ।

बरालले मानवअधिकार उल्लघनका घटनाका दोषी भेटिए कानुनी दायरमा ल्याएको बताउनुभयो र साथै थुनुवा कक्ष र कारागारको सुधार भएको कुरा पनि जानकारी दिनुभयो । मानवअधिकार उल्लघनका घटना न्यूनिकरणका लागि जनचेतनामा जोड दिनुपर्ने उहाले बताउनुभयो । आ–आफ्नो क्षेत्रबाट मानवअधिकार संरक्षणमा प्रतिवद्ध रहनुपर्ने उहाको भनाई थियो ।

मादक पदार्थ सेवनले यौनजन्य दुर्व्यवहारका घटना बढेको जिल्ला प्रहरी कार्यालय गोरखका डिएसपी लिलाराज लामिछानेले बताउनुभयो । छिमेकी, आफन्तहरुबाटै यौनजन्य घटना घट्ने प्रवृद्धि वढ्दो भएको  उहाँले बताउनुभयो ।

घटना अभिलेख सँगै मानवअधिकार उल्लंघनका घटना न्यूनिकरणका लागि जनचेतनामुलक कार्यक्रममा जोड दिनुपर्ने पत्रकार महासंघ गोरखा शाखाका उपाध्यक्ष नरेन्द्र ढकालले बताउनुभयो । कतिपय मानवअधिकार उल्लंघनका घटना सरकारी सेवा प्रवाह सँग पनि जोडिएको उहाले बताउनुभयो । दैनिक रुपमा हुने सेवा प्रवाहमा पनि अधिकारका कुरा जोडिएका हुन्छन तसर्थ सहज र छिटो सेवा प्रवाहमा सरकारी नियकाले ध्यान दिनुपर्ने कुरा उहाले बताउनुभयो । उहाले वर्ष पुस्तकको घटना अभिलेखिकरण प्रशंसनीय रहेको उहाले बताउनुभयो ।

कार्यक्रम इन्सेक द्धारा गठित मानवअधिकार संजालका संयोजक यदु अधिकारीको अध्यक्षतामा भएको थियो ।

हरिराम उप्रेती