इन्सेक गतिविधिहरू

अनौपचारिक क्षेत्र सेवा केन्द्र इन्सेक बागलुङको आयोजनामा मानवअधिकार वर्ष पुस्तक २०२३ को वार्षिक पूर्व समीक्षा कार्यक्रम सम्पन्न भएको छ ।

समीक्षा कार्यक्रममा बोल्दै नागरिक समाज बागलुङका संयोजक वरिष्ठ अधिवक्ता काजीगाउँले श्रेष्ठले इन्सेकले प्रकाशन गर्दै आएको वर्ष पुस्तक मानवअधिकारको क्षेत्रमा देशकै सबैभन्दा महत्वपूर्ण दस्तावेज भएको बताउनुभएको छ ।

उहाँले मानवअधिकारको जस्तै वर्ष पुस्तकमा समावेश गरिने विषय वस्तुको सिमा क्षेत्र पनि फराकिलो पारिनुपर्ने बताउनुभयो ।

कार्यक्रममा नेपाल मानवअधिकार संगठन बागलुङका अध्यक्ष लक्ष्मी जिसी कार्कीले इन्सेकले प्रहरी प्रशासनमा दर्ता हुने महिला, बालबालिका, जेष्ठ नागरिक र अपाङ्गता भएकाका घटनामात्र नभएर पर्यावरण, स्वास्थ्य र जलवायु परिवर्तनका विषयमा पनि काम गर्नुपर्ने बताउनुभयो ।

समीक्षा कार्यक्रममा मानवअधिकार वर्ष पुस्तक २०२३ को लागि जनवरी २०२२ देखि डिसेम्बर १५ सम्म बागलुङ जिल्लामा संकलन गरिएका ७० वटा घटना माथी छलफल गरिएको छ ।

७० घटनामा २२ वटा बालअधिकार, ४४ महिला अधिकार, तीन राजनीतिक अधिकार र एक वटा पत्रकारलाई धम्की सम्बन्धी रहेका छन् ।

कार्यक्रममा जिल्ला प्रहरी कार्यालय बागलुङका इन्सपेक्टर राजाराम खड्का, नेपाल पत्रकार महासंघ बागलुङका कार्यवाहक अध्यक्ष नविन शिशिर विक, पत्रकार तारानाथ आचार्य, संगम घर्ती र खेमराज गौतम सुवासले बोल्नुभएको थियो ।

सिर्जना पन्त